Për të mbyllur llogarinë tuaj Paysera, duhet të kryhen veprimet e mëposhtme:

• nëse keni një kartë aktive Visa, ju lutemi së pari anullojeni. Ju mund të anulloni kartën Paysera Visa në llogarinë tuaj, duke zgjedhur Llogaritë dhe Kartat > Kartat e Pagesave, duke zgjedhur kartën që dëshironi të anulloni, pastaj klikoni në Blloko Përkohësisht / Anullo dhe zgjidhni Blloko përgjithmonë në dritaren e sapo hapur. Kur karta anullohet, marrëveshja e shërbimit të kartës përfundon dhe karta bëhet e pavlefshme. Anullimi i kartës është pa pagesë;
• nëse keni detyrime të prapambetura në kartën tuaj, së pari duhet të mbuloni shumën e pamjaftueshme në llogari dhe më pas të na kontaktoni. Udhëzimet e rimbushjes së llogarisë mund t'i gjeni në llogarinë tuaj duke klikuar te Llogaritë dhe Kartat > Rimbushje Llogarie. Zgjidhni vendin dhe monedhën dhe udhëzimet për rimbushjen e llogarisë do të gjenerohen për ju. Më shumë informacion mbi pagimin e detyrimit mund të gjeni këtu;
• nëse keni para të mbetura në llogarinë tuaj, ju lutemi transferoni paratë në llogarinë tuaj në një bankë tjetër në mënyrë që të mund ta mbyllim llogarinë tuaj. Në rast se llogaria juaj nuk identifikohet dhe ju nuk mund të transferoni fondet vetë, ju lutemi të na siguroni detajet e llogarisë suaj bankare ku do të transferojmë fondet, përpara se të mbyllni llogarinë tuaj.

Detajet e llogarisë bankare duhet të përfshijnë:

• Emri dhe mbiemri i përfituesit
• Adresa e përfituesit
• Numri i llogarisë bankare të përfituesit
• Kodi SWIFT / BIC
• Adresa e bankës së përfituesit

Pasi të keni kryer veprimet e kërkuara, ju lutemi na dërgoni një email në support@paysera.al nga adresa juaj e emailit e konfirmuar në sistemin tonë, me një kërkesë për të fshirë llogarinë tuaj Paysera.

Shënim. Nëse nuk doni të mbyllni llogarinë tuaj, por thjesht dëshironi të çaktivizoni ose fshihni numrin e llogarisë suaj në mënyrë që të mos shfaqet së bashku me llogaritë tuaja të tjera, në menunë në të majtë, zgjidhni Parametrat > Llogaria e Pagesës. Në dritaren e hapur, zgjidhni llogarinë të cilën dëshironi t'a fshihni përkohësisht dhe klikoni në Fshih llogarinë. Nëse do t'ju nevojitet, do të keni mundësi të rihapni llogarinë në të njëjtin seksion Parametrat > Llogaria e Pagesës, duke klikuar në Hapni një llogari.